Dinamiza Caramiñal

Xa está aquí o inicio da campaña reGaleguiza. Súmate!
Entendémonos:

Recoñecémonos:

Astérix e Obélix – O Libro de Ouro, que así se chama a edición especial, co gallo do seu 50 aniversario, da popular banda deseñada creada polos autores Goscinny e Uderzo, sae ao mercado a nivel mundial traducida para un total de 14 linguas, entre as que se encontra o galego.
Isto é froito dunha intensa campaña desenvolta desde o 2005 polas Mocidades d'A Mesa, centrada sobre todo en centros de ensino de todo o país, dirixindo millares de correos electrónicos, cartas e sinaturas a Salvat Bruño para reclamar “a volta de Astérix ao galego”. Desde entón, fixéronselle chegar aos responsábeis da edición e distribución da banda deseñada para o Estado español máis de 11.000 sinaturas individuais e o apoio á reivindicación de multitude de centros de ensino. Tamén as CiberIrmandades da Fala contribuíron co obxectivo "En galego, por Tutatis!"
Máis, na páxina d'A Mesa.

Tanto individualmente como dentro de colectivos sociais, cremos preciso amosar a nosa disposición a esixir que os poderes públicos promovan -tal como indica a lexislación- a lingua galega e non a desprotexan, a reclamar os dereitos lingüísticos que están a ser recortados, a defender as vantaxes dun plurilingüismo con base no galego, sexa cal sexa a nosa lingua habitual.
Podemos informarnos no caderno da Coordinadora comarcal e asinar os manifestos.

Miles de persoas están a secundar unha iniciativa pola ampliación do abano comunicativo da rede social Tuenti, unha das máis empregadas entre os internautas de todo o estado español e até o de agora sen operatividade no que a linguas oficiais diferentes do castelán se refire. A través dunha campaña, apoiada tamén pola CiberIrmandade da Fala, o colectivo galego que centra o seu labor en normalizar a nosa lingua na comunicación dixital, solicítaselles aos responsábeis desta rede social a inclusión do galego, o catalá e máis o euskara. Se Tuenti di ser "unha ferramenta que facilita a transmisión de información entre xente que se coñece”, é evidente que o seu servizo melloraría con tal ampliación. Como acontece en Facebook, por exemplo, que dispón de tradución a todas as linguas oficiais do Estado.
O xeito de sumarse é ben doado, a través do envío dunha petición, que pode ser esta suxestión reproducida na web da CiberIrmandade. A conta de correo a onde teremos que enviala é:  soporte at tuenti.com /> Máis en Código cero